Vääʹld ougglõsõhttvuõđ
Ougglõskääzzkõõzzâst vuäǯǯak Kela ouddõõzzid õhttneei persoonlaž vuäʹpstummuž da ohjjummuž. Vuäǯǯak õhttvuõđ Kela kääzzkâʹsttemäʹšštobddjin video-õhttvuõđ veäkka.
Taarbšak-a kääzzkõõzz säämas?
Nuõrttsääʹmǩiõllsaž ougglõskääzzkõs lij täʹst ooudâs meäʹrteʹmes ääiʹj äävai nelljdpeeiʹvi čiâss 9–11.
Vuäitak kueʹđđed kääzzkõʹsse õhttvuõttväʹlddemraukkmõõžž vuõltteeʹl neʹttpååʹšt addrõʹsse saame@kela.fi. Kela nuõrttsääʹmǩiõllsaž kääzzkõsäʹšštobddi leʹbe tulkk såitt tuʹnne mååusat.
Vääʹld ougglõsõhttvuõđ
Vuäitak väʹldded õhttvuõđ nuõrttsääʹmǩiõllsaž video-ougglõskääzzkõʹsse ne čiâss 9–11.
Vuäitak väʹldded õhttvuõđ ougglõskääzzkõʹsse juʹn-a jiijjad aparaattâst, Virtu-kääzzkâʹsttempääiʹǩest leʹbe Kela õõutsââʹjest jeeʹres õõlmâs organisaatioivuiʹm tuõʹllʼjem äʹššeempääiʹǩest.
Kaaunak kääzzkâʹsttempaaiʹǩi, äʹššeempaaiʹǩi da Virtu-kääzzkâʹsttempaaiʹǩi õhttvuõtt-teâđaid da äävaiåårramaaiʹjid kääzzkâʹsttempääiʹǩ ooccmin (Suomi.fi, lääddas).
Nääiʹt vääldak ougglõsõhttvuõđ Kelaaʹje
Jõs haaʹlääk ââʹnned ougglõskääzzkõõzz jiijjad aparaattâst, taarbšak teʹlfoon, tableeʹtt leʹbe teâttmašina, koʹst lie
- mikrofoon, šäiggan leʹbe kulstõõǥǥ di videokamera
- Google Chrome -neʹttlookki (versio 64 leʹbe ođđsab)
- nokk jåʹttlõs kobddneʹttlinjjõhttvuõtt, što videokoovv kuâsttai.
Vuäitak ååʹn ââʹnned ougglõskääzzkõõzz iOS-mobiilââʹnnemriâšldõõǥǥin še. Taarbšak Safari-neʹttlookki.
Iʹlmmet võõʹjjin neʹttpooʹštin Kela teeknlaž tuärjjõʹsse, tekninentuki@kela.fi, leʹbe teʹlfoonin 020 63 47 748.